Am letzte Samsdaach ware zum Herebstbuzz uffem Kerfisch ebbes me Läit for se helfe do, so 14/15 orer ebbes meh. It war aach ebbes meh zum Schaffe se dun. Awer deshaleb honn all ebbes meh zugepackt. Laabreche, Besem, Schippe, Trimmer, Gebläsmaschin unn Bulldegg, alles wa debäi. Um dä noue Paad rum wa ebbes me Krout gewachs, awer so enn stramme Akkutrimmer iss Herr driewer wor. Datt viele Laab hommer dohin gefah wo schun ebbes meh devun läit. Bäi däne viele Helfer hommer awwer bang gehatt, datt die Fleischworscht nitt reiche dät. Use Vorsteher hott awwer schun vorgesorischt unn ebbes meh kaaft. Bäim schaffe waret us scheen warem wor, jetz awwer, bäim rumsitze hott mer dann ebbes zum Wärme gebroucht, ebbes Schnaps äwe. Dann noch enn Stick Fleischworscht innet Bretche rinn unn enn Stubbi dezu. So geret änem schunn ebbes besser. Mit Glockeschlaach halwer zwölef harre mer itt geschafft. Als dann awer noch ebbes ous der groß Politik zum disbedere uffkam, hommer gemänt, for hout isset genuch.