Hout geret an Musel unn Rhäin,
denn do girret gure Wäin.
Gläich am Anfang vor däm Start,
erst emol inn Runde Dart.
Dono paar Bretcher mit Belach,
is mer gewappnet for dä Daach.

Datt erschde Stubbi muuß aach sinn,
dann ritscht datt Bretche besser rinn.
Dono gehts zackisch zu der Bahn,
bevor zum zwät‘ Moh kräht dä Hahn.
So mancher wullt zum erschde Moh,
Hunsrückbahn fahre, allomoh.

Dobäi, do muuß mer jo bedenke,
brouch mer jemand for se lenke.
Dä Zuch nitt do, hott dä verschloof?
Dunnerkäil, ei so inn Schoof.
Watt harre mehr jetzt doch‘n Glick 
entdecke inn Bus mit schnellem Blick.

Rinn unn ab dä Berisch runner,
datt war vor hout datt erschde Wunner.
Wäil nou Boobert war gestrich,
saße mer frieher an däm Disch.
Im Königsbacher Treff
wo enn Mädche war us Chef.

Die hott us bedient unn die Aue gerollt,
die hat bestimmt inn Herz ous Gold.
Dä Mieller war ganz narrisch uff die,
doch vergeblich war all säin Mieh.
Mer wisse nore ehre Name
Anca häßt die nette Dame.

Satt un die Schnut noch abgebotzt
bäi dem Esse hot käner gemotzt.
Denn so lecker wie ett wor,
geht mer nomo hien, is doch klor.
Zum Bahnhup schnell unn hoffe jetz.
die honn nit nochen Zuch vergess.

Am Däitsche Eck vorbäi, die Musel lang,
datt schaffe mer, us is nitt bang.
Dä Wäinliebhaber zeiht inn Grinser,
mer ware in Kobern bäi‘em Winzer.
Hie gabet gläich schun watt zu esse,
doch aach datt trinke nitt vergesse.

Riesling, Rose unn Wäisburgunner 
ginge gut dä Hals erunner.
Im Planwan unn dä Deutz devor
hält us sicher in der Spor.
So werd gezoggelt, runner, ruff
bis dä Wäin all is ge...trunk.

Alles leer un tschö gesaat
endet hie die Zockelfahrt.
Im Gehesatz zur Hunsrückbahn,
ware mer mittem Hans jetzt besser draan.
Dä stand parat mit säinem Bus
mit däm girret hie kän Verdruß.

Hemm geret jetzt die Kurve lang,
hoffentlich werds mäinem Bouch nitt bang.
Watt geht noch ab, in wielem Hous,
klingt die Tour vun hout dann ous?
In user Kneip steht doch genuch,
der mache mer noch korz Besuch.

Unn jetzt wie morjens vor der Fahrt
spiele mer noch‘n Runde Dart...

Samstag, 20. April 2024